激氣

頭先山長水遠去到尖沙咀，仲要行十幾分鐘，行到一身汗，為的只是教一個學生，其實都不緊要，因為我都慣了周圍去教琴。但是辛辛苦苦去到佢屋企，竟然摸門釘，接著打電話給她家長，佢話不記得喎！跟住就是一連串的藉口和大話，仲要一句對唔住都沒有，少少唔好意思都沒有，仲想將個責任卸給我，完全沒有品！

令人氣憤，ridiculous，nonsense的說話：
"我昨天同今早都記得架！"
又如何?
"你又沒有聽電話"
"我沒有收過你電話喎！"
"唔係！我話我唔記得打給你啫！"
講大話，又想推卸責任，隔了一陣，佢竟然話
"你星期六、日都不會聽電話，所以咪冇打俾你囉！ "
這是什麼理由？
" ............咁你留個message俾我"
"你個留言咁長，點等呀！我一早叫你換左佢架啦！....哈哈！"
我差點兒就想破口大罵！
"咁你想點呀?"
我想點？你想點呀！大姐
".............你幾時返到來?"
"我都唔知呀，我等陣打俾你"
我等了10分鐘，一點聲氣都沒有，我唯有去中港城逛下，再等15分鐘，電話終於響了......
"maggie, 你走了啦? 我仲趕住返來，你咁快就走了！"
"我係隔離喎！我現在過來啦！"
"咁上幾耐堂呀?"
"我最多可以上45mins"
原先是1hr的
"咁不如下星期先上啦！如果你唔介意，因為我個女而家好唔開心，又好攰"
"........................."
根本就是怕蝕１５分鐘給我
今日本來可以休息一天，最後完全唔知為什麼，浪費了我2小時，但0 workdone，仲要貼埋車錢！仲要唔係第一次！真的很激氣！很激氣！很激氣！

所以我決定．．．．
炒佢魷魚